نسائم الورد
السلام عليكم ورحمة الله وبركاته

مرحبا بك زائرنا الكريم فى منتدى نسائم الورد

ويسعدنى جدا ان تنضم الينا

تحياتى لك

أميرة الورد

الله يخلينا الحماصنة

استعرض الموضوع السابق استعرض الموضوع التالي اذهب الى الأسفل

الله يخلينا الحماصنة

مُساهمة من طرف marenaz في الأربعاء مارس 10, 2010 8:29 am

حمصي ذكي ....بنى بيته بشكل دائري مشان ما تقلله مرته حابسني بين أربع حيطان





****

..مدير طلب من سكرتيرته الحمصية تحضر جدول اجتماع يوم الأربعاء

قالتلو : الأربعاء ...همزة ع السطر!! أو ع الألف !!

!!!!قللها خللي الاجتماع يوم الخميس

****

حشاش سأل رفيقه : ايمتى يوم الخميس ؟

!!!قللو : والله ماني متأكد ...يا الأحد... يا... التنين

****

!!!أحول تطوع بالعسكرية ...طلع فرزه بالقصف العشوائي

****

ليه الحماصنة بزيتوا الشجر ؟

!!!مشان ما تزقزق العصافير

****

...وحدة قالت لزوجها : من بكرة بتقلع السواق ....اليوم كان راح يموتني بحادث

!!!قللها : راح أمنحه فرصة جديدة

****

وحدة قالت لزوجها : حبيبي اليوم عيد زواجنا ...شو بدنا نعمل

!!!قللها : منوقف دقيقة صمت

****

!!!نملة رفضت تتزوج من فيل ؟؟؟....قال لأنو : نَلملنجي

****

!!!مهندس كمبيوتر حمصي بَرَد ....قام سكرالويندوز

****

شو وجه الشبه بين المكدوسة و الأرملة ؟

!!!الأولى بجوز ....و التانية بلا جوز

****



واحد سأل حمصي : هالشارع لوين بروح؟

!!!جاوبه : والله من يوم اللي عرفت هالشارع ما تحرك من أُرُنتو

****

حمصي سأل الصيدلاني : عندك حليب أطفال ؟

قللو الصيدلاني : ايه ..شو أسمه؟

!!!قال الحمصي : عبد الرزاق

****

حشاش شامي سأل رفيقه : شو أسرع طريق بيوصل للمستشفى ؟

!!!جاوبه : لحوش حالك قدام السيارة

****

حمصي عملو معه مقابلة ...سألوه شو نسبة البطالة بحمص ؟

!!!جاوبون : ماني متأكد ع الزبط ...بس حمص معظمها أبطال

****

...حشاش بنص الليل بدو يعرف شو الساعة..أخد طنجرة و معلقة و طلع ع الأسطوح و بللش يخبط

!!!طلعلو جارو و صاح عليه : بس يا حمار ..الساعة تنتين بالليل؟؟؟

@@@@

مهندس كمبيوتر راح يفحص زمرة دمه...طلعتXP

****

حشاش سأل رفيقه : شو الساعة ؟

قللو : خمسة و خمسة

!!!قللو : تضرب ..قول عشرة و خلصنا

****

...وحدة حمصية اجا أبوها يبشرها ...قللها اجاكي أخ صغير

!!!البنت طار عقلها من الفرحة و قالت لأبوها : لا تقللا للماما ...خلينا نعملها ايياها مفاجأة

****

كنغر سأل مرته : وين الصغير ؟

...قالتله : بجيبي

!!!قللها : بالله عن جد ..بلا قفلة

****

ليش الحمصية بتحط مسدس على شعرها ؟

!!!لأنو دارج فرد الشعر

****

شفير حمصي سألوه : شو أحلى موقف بحياتك ؟

!!!قللون : الكراجات

****

حشاش بدو يصلي ..سأل رفيقه : كيف القبلة ؟

!!!جاوبه : بتبوس ايدك

****

....واحد حمصي مرته ولدت بعد 3 شهور من زواجه

سألوه رفقاته : لك كيف هيك صار معك؟

!!!قللون : هااااااااااا..بللشنا حسد

****

!!!مراقب بكالوريا لغى عرسه قبل العرس بيوم...لأنو كروت الدعوة تسربت

****

شلون الحمصي بيشحن موبايله ؟

!!!بالقدموس للشحن

****

...وحده قالت لزوجها : أنا طالعة لعند جارتنا 3 دقائق

!!!ابقى كل ربع ساعة حرك الطبخة ع النار

****

ليش كل المعارضة اللبنانية بمشطوا شعرون لورا ؟

!!!لأنو ما بقى تفرؤ معون

****

تفاحة حكت نكتة لعنقود عنب...شو صار فيه؟؟

!!!فرط من الضحك

****

الأستاذ : ما هو أقدم الحيوانات ؟

الطالب الحمصي : حمار الوحش

الأستاذ : ليه يا أبني ؟

!!!الطالب : لأنو أبيض و أسود

****

!!!حمصية سمعت أنو تلفونهون مراقب ...صارت تحكي و هيي منقبة

****

!!!حمصي تبرع لمستشفى الأمراض الصدرية ...بألف صدرية

****

حمصي قال لمرته : الليلة بدي ليلة رومانسية

البنت سألت الأم : ماما شو يعني رومانسية ؟

!!!الأم : والله يا ماما ما بعرف ...بس استحياطا قومي نقعي كاستين رز

****

!!!واحد مرتو بيضة ...قام قلاها

****

.....تنين شرطة حماصنة عم يحكو مع بعض باللاسلكي

..قال الأول : حول

!!!جاوبو التاني : بالأفراح انشاءالله

****

!!!واحد خياط ...تزوج شقــفـة

marenaz

عدد المساهمات : 309
تاريخ التسجيل : 06/02/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى