نسائم الورد
السلام عليكم ورحمة الله وبركاته

مرحبا بك زائرنا الكريم فى منتدى نسائم الورد

ويسعدنى جدا ان تنضم الينا

تحياتى لك

أميرة الورد

مقابلة مع................ز

استعرض الموضوع السابق استعرض الموضوع التالي اذهب الى الأسفل

مقابلة مع................ز

مُساهمة من طرف marenaz في الثلاثاء مايو 11, 2010 1:44 pm

مقابلة مع.....

- صباح الخير... وين مكان المقابلة
تبعيت السفريات؟

- نعم!!!؟ اي اي ...المكتب اللي بالوش..



- اللي بالوش على ايد اليمين؟

- يا حبيبي اللي قدامك...على طول...ما في غيرو

- ماشي ...شكرا



• طق طق طق ....صباح الخير ...مكتب التسفير؟

• اهلين و سهلين ...اتفضل ارتاح.

• قال بدكن ياني... هيك سمعت بالراديو...عالـ سي ان ان.

• اي صحيح تماما...بدنا ناخد منك شوية معلومات...اذا ممكن طبعا.

• رح تسفروني؟ لوين؟ و ايمتى؟ و كيف؟

• انشالله انشالله...بس بدك تطول بالك علينا شوي...رح اسألك كام سؤال و انت
رح تجاوبني...ماشي؟

• يالله عالسريع ...بدي لحق الطيارة... رح تعتم الدنيا.

• طيب ماشي....شو اسمك؟

• اسمي الياس ...بيدلعوني حمودة...

• شو دينك؟

• ممممم....الجمعة بروح عالجامع و الاحد بروح عالكنيسة...و احيانا ما بروح
لا هون و لا هون.

• مكان الولادة و الاقامة؟

• انا حمصي من الشام ساكن بحلب...ولدت بطرطوس و بيتي باللادقية...ابي من
الحسكة و امي من السويدا...

• تاريخ الولادة؟

• 31 شباط يناير

• اي عام؟

• مدير عام.

• يا ابني اي سنة؟

• سنة خير.

• حبيبي انت يا روحي ...بالأرقام بالارقاااام.

• واحد....تنين....تلاتة...اربعة....

• خلص خلص...وقف...بلاها...و لك بلااااااها...رح اسألك سؤال غيرو...شو
دارس؟ شو معك شهادات؟

• انا دارس معهد تجاري بكلية الطب بجامعة دمشق بحمص.

• معك شهادة تانية؟

• اشهد ان لا اله الا الله...

• هواياتك؟

• التزلج على الجليد و الرسم و تصليح السيارات و اللعب بالتراب.

• طولك؟

• 3000 ليرة بالشهر.

• عرضك؟

• لا تسببببب......

• وزنك؟

• ناقص.

• نمرة صباطك؟

• 40 درجة مئوية بعد الخصم.

• بتعرف تشتغل عالكمبيوتر؟

• عالكمبيوتر و عالتلفزيون و عالبراد و عالغسالة و كلللللللللل شي...

• كيف بتنظر لحالك؟

• بالمراية.

• كيف بتشوف حالك؟

• انا ما بشوف حالي...انا ملك التواضع...الكينغ يعني.

• بتعرف ليش انت هون؟

• مشان سافر.

• لوين؟

• لبلاد برا.

• ليش بدك تسافر لبلاد برا؟

• لأنو ما فيني سافر لبلاد جوا...ههههههه...يحرق حريشك ما اغباك.

• بتعرف تحكي انكليزي؟

• بلبل.

• طيب....How are you?

• هههههه...شكلك اجدب...هههههه

• فكرت بالانتحار شي مرة؟

• لاء...بس الانتحار بيضل يفكر فيني...ابن حلال.

• خلص بامكانك تروح هلق...تعبناك معنا.

• ايمت رح سافر؟

• قريبا انشالله.

• لك والله انا دايما بقول عنك انك زلمة ادمي و حباب و ابن حرام.

• الله يكرمك...!!

• بخاطرك....باااااااااي...مع السلامة...خلونا نشوفكون...و انتو
بخييييييييير...

• الله و الملايكة معك...دير بالك ع حالك ...انتبه
الحيييييط....اخخخخ...قلتلك انتبه....يا معتززززز....شيلو...ما في امل...و
دخل المريض اللي بعدو.....

marenaz

عدد المساهمات : 309
تاريخ التسجيل : 06/02/2010

الرجوع الى أعلى الصفحة اذهب الى الأسفل

رد: مقابلة مع................ز

مُساهمة من طرف حلم الأماسي في الأربعاء سبتمبر 22, 2010 11:58 am

فكرة مسرحية جيدة
شكراااااااااااا

حلم الأماسي

عدد المساهمات : 314
تاريخ التسجيل : 03/08/2010
العمر : 40

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى